Skuadra nga Serie A, Genoa ka shprehur interesim për reprezentuesin e Kosovës, qendërmbrojtësin Mirlind Kryeziu, kanë raportuar mediumet italiane.
Bëhet e ditur se Genoa po synon transferimin e Kryeziut në fund të këtij edicioni kur edhe i skadon kontrata me skuadrën e Zuerichut.
Te ekipi italian, Kryeziu po shihet si përforcim i duhur për mbrojtjen pas paraqitjeve të mira që i ka pasur këtë sezon te skuadra zvicerane.
24-vjeçari këtë sezon në 17 ndeshje për Zuerichun, ka shënuar edhe dy gola.
Ai para fillimit të këtij edicioni u kthye te Zuerichu pas huazimit prej gjashtë muajve që e pati te Kriensi në kategorinë e dytë të Zvicrës.
Kryeziu në shtator të këtij viti ka debutuar me Përfaqësuesen e Kosovës dhe deri më tani, i ka dy paraqitje me “Dardanët”.
