18:30 - Ka përfunduar Kuvendi i Punës së Federatës së Futbollit të Kosovës.
Aty janë miratuar raportet për aktivitetet dhe të arriturat, raporti financiar dhe ai i garave.
Është vendosur po ashtu që të ndahet një pagë për familjen e legjendës Fadil Vokrri, që vdiq vitin e shkuar.
Edhe pse ishte paralajmëruar se mund të ketë mocion për shkarkim të kryetarit të FFK-së, Agim Ademi, një gjë e tillë nuk ka ndodhur.
Vetë Ademi ka thënë se është i lumtur që gjithçka shkoi mirë.
Edhe
Kuvendi i qetë i FFK-së mbyllet me duartrokitje të kuvendarëve
“Përkundër zhurmave jam i lumtur që gjithçka ka shkuar shumë mirë. Faleminderit të gjithë delegatët për përkrahjen. Do të vazhdojmë me punën tonë me krenari. Puna që është bërë deri më tani u vlerësua nga të gjithë”, ka thënë ai.
18:29 - Kuvendi i Punës është mbyllur me një minutë duartrokitje për Vokrrin.
18:27 - Trajneri i Llapit, Tahir Batatina, ka kërkuar nga FFK-ja të tregojë pse me statut një delegat në moshën 70-vjeçare nuk ka të drejtë pjesëmarrjeje në Kuvend.
18:25 - Prishtina ka propozuar që të kthehet rregullorja për lojtarët U20 që të jenë titullarë në formacion. Propozimi i dytë ishte për gjyqtarët që të kenë të drejtë të referojnë edhe në qytetet nga janë dhe të ketë ndëshkime më të rënda për gabimet e gjyqtarëve.
Këto mbeten të shqyrtohen në edicionin e ardhshëm të garave. Pritet që edicionin e ardhshëm të definohet edhe nëse Superliga do të nisë me sistem të ri prej dhjetë skuadrash.
18:22 - FFK vendos të ndajë pagë për familjen e Vokrrit
Delegatët e Kuvendit të FFK-së kanë vendosur që të ndahet një pagë për familjen e legjendës Fadil Vokrri. Kryetari i Trepçës ’89 Abedin Zeka ishte ai që propozoi këtë. Të gjithë delegatët ishin për.
18:03 - Unanimisht janë aprovuar raporti për aktivitetet dhe të arriturat si dhe raporti financiar 2018/19. U miratua edhe raporti i garave.
Edhe
Pa asnjë votë kundër, Agim Ademi rizgjidhet kryetar i FFK-së
18:00 - Në raportin e prezantuar thuhet se të hyrat financiare kanë arritur shifrën e 11 milionë e 38 mijë eurove. Të hyrat janë nga FIFA dhe UEFA 88.86 për qind për vitin 2018, të tjerat nga sponsorët, ministria, dënimet e shqiptuara në ligë dhe të drejtat televizive. Të shpenzuara janë 11 milionë e 47 mijë euro.
17:34 - Në Kuvendin e Punës së FFK-së është duke u folur për të arriturat në edicionin 2018/19. Në veçanti, FFK po krenohet me suksesin në Ligën e Kombeve.
Kështu ulen gazetarët në këtë Kuvend.
17:20 - Unanimisht është aprovuar procesverbali i datës 2 mars 2018.
Ky është rendi i ditës:
Ka nisur Kuvendi i rregullt i Punës në Federatën e Futbollit të Kosovës, raporton Koha.net.
Aty pritet të bëhet prezantimi i punës në periudhën 2018/19.
I pranishëm është edhe trajneri i Llapit, Tahir Batatina, që kohëve të fundit kishte dalë zëshëm kundër kryetarit të FFK-së, Agim Ademi, e ndaj të cilit kishte thënë se janë mbledhur më shumë se 30 nënshkrime për ta shkarkuar.
Edhe
FFK-ja mban Kuvendin e Punës, buxheti për vitin 2025 mbi 21 milionë euro
Në Kuvend janë të pranishëm 54 delegatë nga 58 të ftuar.
Armand Duka, kryetar i Federatës Shqiptare të Futbollit, është i deleguar nga UEFA për të monitoruar Kuvendin.
