Enrique, mirënjohës që pati rastin të shihte nga afër Messin

Luis Enrique është mirënjohës që ka qenë në gjendje të jetë trajner i “jashtëtokësorit” Lionel Messi gjatë tri viteve të tij në krye të Barcelonës.

Aventura e Enriques si trajner i Barcelonës ka përfunduar të shtunën mbrëma me triumfin në Kupën e Spanjës. Barcelona triumfoi 3:1 në finale të Kupës së Spanjës ndaj Alavesit, shkruan Reuters, transmeton “Koha Ditore”.

Messi shënoi golin e parë të ndeshjes në triumfin e tretë rresht të Barçës në Kupën e Spanjës me Enriquen në krye. Pos golit Messi luajti rol të vendimtar edhe në golat e shënuar nga Neymari e Paco Alcaceri në fund të pjesës së parë, duke ia shuar shpresat Alavesit.

Messi u bë golashënuesi më i mirë në histori të La Ligas në stinorin e parë me Luis Enriquen në krye, që përfundoi me “tripletë” të fituar nga Barcelona dhe ai këtë edicion ka përfunduar si golashënuesi më i mirë në pesë ligat më të mëdha të Evropës me 37 gola.

Marrëdhënia e Enriques me Messin ishte dukur paksa e ngurtë në mesin e stinorit të parë, pas një fjalosjeje që patën në stërvitje, që u bë evidente kur Messi u la jashtë përbërjes startuese në humbjen 1:0 nga Real Sociedadi... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.