Menaxheri i Chelseat, Antonio Conte ka thënë se problemi me Diego Costan nuk është më i rëndësishëm për klubin.
Sulmuesi 28-vjeçar siguroi rikthimin te Atletico Madridi pasi ishte lënë jashtë ekipit nga Conte, i cili kishte prishur marrëdhëniet me spanjollin para fundit të sezonit të kaluar.
“Duam ta falënderojmë për atë që ka bërë në klub. I dëshirojmë gjitha të mirat në të ardhmen”, ka thënë Conte.
“Tani [marrëdhënia jonë] nuk është e rëndësishme. Nuk jam i interesuar të flas për këtë çështje. Po punoj me lojtarët dhe jam i lumtur me punën e këtyre djelmoshave, kjo është e rëndësishme”, ka shtuar trajneri italian.
“E kaluara nuk është e rëndësishme. Për secilin trajner e lojtar, e kaluara mbetet aty. Nëse keni treguar sukses në të kaluarën është në rregull, por ne duhet të punojmë për të tashmen dhe mbi të gjitha për të ardhmen”.