Mbrojtësi Achram Hakimi mund të largohet nga Interi pas vetëm një sezoni. Sajti italian “Calciomercato” ka njoftuar të martën se interesim për transferimin e Hakimit në verë ka treguar skuadra e Manchester Cityt. Anglezët janë të gatshëm të paguajnë mbi 50 milionë euro për kartonin e Hakimit vetëm për ta mposhtur konkurrencën e fortë të Arsenalit dhe Chelseat.
Hakimi iu bashkua Interit para fillimit të këtij edicioni nga Real Madridi dhe ekipi italian është i gatshëm të pranoj ofertat për 22-vjeçarin. Hakimi që ka kontratë me Interin deri në vitin 2025, këtë edicion ka gjashtë gola e pesë asistime në 27 paraqitje në të gjitha garat.
