Kohërat kur gjermanët mblidheshin para televizionit të shtunave mbrëma për të parë meçin e shumëpritur të boksit, tashmë i takojnë së shkuarës.
Boksieri i vetëm aktiv me njohje të mirëfilltë të emrit në Gjermani në ditët e sotme është Wladimir Klitschko - një shtetas ukrainas që konsiderohet qytetar nderi i Hamburgut, duke pasur parasysh dekadat e tij të kaluara në këtë qytet, transmeton Koha Ditore.
Në të vërtetë, Klitschko bëri një audiencë televizive prej rreth nëntë milionë njerëzish në humbjen e tij nga britaniku Tyson Fury, para një viti e gjysmë. Megjithatë kjo ishte vetëm një tërheqje e mirë për teleshikuesit, pasi meçi është faturuar dhe plasuar nëpër mediume si "lufta e vitit për titull".
Gjenerata e suksesshme e boksierëve gjermanë si Henry Maske, Axel Schulz, Aven Ottke dhe Graciano Rocchigiani rregullisht do të tërhiqnin një mesatare prej 18 milionë teleshikuesve - dy herë më shumë se Klitschko. Kjo epokë e artë është zhdukur tashmë një kohë të gjatë.
Lufta e fundit për një titull bote ku përfshihej një gjerman është ajo ndërmjet Marco Huck dhe lituanit Mairis Briedis në ditët e para të muajit prill. Dhe ky meç nuk tërhoqi më shumë se tre milionë teleshikues. (Më gjerësisht mund të lexoni sot në Koha Ditore).
Edhe
Klitschko: Është meç i veçantë, vendi i njërit boksier është në luftë
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
