Ish-futbollisti i Udineses, Romës dhe Juventusit në Serie A, Medhi Benatia, ka njoftuar për pensionimin e tij nga futbolli në moshën 34-vjeçare.
Ish-reprezentuesi i Marokut ka vendosur të mos luajë më futboll.
Së fundmi ishte pjesë e skuadrës Karagumruk në Turqi.
Benatia u transferua në Itali në vitin 2010 dhe nënshkroi me Udinesen.
Për tre vjet luajti me këtë skuadër e më pas u transferua te Roma.
Paraqitjet e mira me “giallorossët” bënë që ai t’i bashkohej Bayern Munichut, ku e fitoi dy herë titullin e Bundesligës dhe Kupën e Gjermanisë.
Benatia u rikthye në Serie A te Juventusi. I fitoi tri “Scudetto”, dy Kupa të Italisë dhe Superkupën e Italisë.
Në 153 ndeshje në elitën e futbollit italian shënoi 14 gola.
Artikuj të ngjashëm