Dukagjini dhe Llapi barazuan 1:1 në ndeshjen e xhiros së tretë të Superligës së Kosovës në futboll, që u zhvillua të enjten në stadiumin “18 Qershori” në Klinë.
Për trajnerin e Llapit, Tahir Batatina, ky ishte epilog real në fund të ndeshjes.
“Mendoj që në pjesën e parë djemtë bënë maksimumin. Ndoshta nuk e kishim lojën tonë sepse ramë në lojën e kundërshtarëve. Lojtarët e Dukagjinit luajtën me topa të gjatë, ndërsa neve nuk na shkonte për shtati. Pranuam një gol, ku po të mos lëvizte muri i gjallë i futbollistëve tonë, nuk do të pranonim gol. Në pjesën e dytë barazuam rezultatin dhe pritëm momentin ta fitojmë ndeshjen, por nuk e arritëm. Dukagjini tregoi lojë të mirë. Epilogu real ishte barazimi. Ne duhet të vazhdojmë tutje. Nuk kemi pësuar disfatë, por kam pritur që të marrim më shumë pikë”, theksoi Batatina.