Ballkani ka mposhtur thellë Llapin 5:1, ndërsa Gjilani Prishtinën 2:1 për t’u ngjitur në tabelë e për të lënë kryeqytetasit në vendin e katërt në garën për titull kampioni në Superligën e Kosovës.
Gjilani fitoi kryendeshjen e xhiros së 29-të ndaj Prishtinës me golat e Franc Veliut e Gerhard Prognit. Te Prishtina shënoi vetëm Armend Thaçi. Që nga minuta e 48-të Prishtina u paraqit me një futbollist më pak në fushë pas ndëshkimit me të kuq të portierit Visar Bekaj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë ndeshjen tjetër të kësaj xhiroje, Ballkani ka “shkelur” Llapin. Dy gola i realizoi Blend Baftiu, ndërsa nga një e shtuan Jetmir Topalli, Ermal Krasniqi e Artur Magani për fitoren e thellë të ekipit të Ismet Munishit. Te Llapi realizoi Mërgim Pefqeli.
Tabelës vazhdon t’i prijë Drita me 61 pikë të tubuara e 28 ndeshje të zhvilluara. Nga një ndeshje më shumë e kanë luajtur Ballkani që ka 59 pikë, Gjilani me 58 dhe Prishtina, që nga pozita e dytë tani është në të katërtën, me 57 pikë.