Kepa Arrizabalaga pritet të largohet nga Chelsea gjatë janarit, pasi ka humbur vendin e titullarit.
Portieri spanjoll bëri disa gabime edicionin e kaluar dhe humbi besimin e trajnerit Frank Lampard.
Londinezët tanimë kanë transferuar senegalezin Edouard Mendy, që është stabilizuar si titullar te Chelsea.
“Blutë e Londrës” po e mendojnë huazimin e portierit që haptazi ka shprehur pakënaqësinë e tij.
Gjiganti anglez në vitin 2018 kishte paguar 80 milionë euro për transferimin e portierit.
Valencia, Roma dhe Sevilla janë tri skuadrat e interesuara për shërbimet e portierit spanjoll.
