Dani Alves është bërë futbollisti me më së shumti trofe në histori, pas triumfit të Paris Saint-Germainit të shtunën mbrëma në finale të Kupës së Ligës së Francës ndaj Monacos.
Parisi fitoi 3:0 falë dy golave të Edinson Cavanit dhe një të Angel Di Marias, shkruan “The Sun”, transmeton “Koha Ditore”. Alves luajti tërë ndeshjen.
Braziliani 35-vjeçar, tash ka 36 trofe të fituar në karrierë, duke e kaluar bashkëkombasin e tij, Maxwell, të cilin e kishte barazuar në gusht kur fitoi Superkupën e Francës.
Alves nisi karrierën në vitin 2001 me skuadrën braziliane Bahia, duke fituar Copa do Nordeste në stinorin e tij të dytë atje.
Pasoi një lëvizje në La Liga te Sevilla, por ai nuk fitoi asgjë në tre vjetët e parë në Spanjë.
Mirëpo, në vitin 2006, Sevilla fitoi Kupën e UEFA-s, të cilën e mbrojti një vit më vonë dhe fitoi edhe një herë Superkupën e Evropës... (më gjerësisht lexoni sot në “Koha Ditore”)
