Akil Gjakova ka gjunjëzuar në finale kampionin olimpik për të fituar medaljen e parë të artë në një Grand Slam, historike për xhudon kosovare në kategorinë e meshkujve.
Gjakova në finale e mposhti kampionin olimpik nga Gjeorgjia, Lasha Shavdatuashvilli në një paraqitje të jashtëzakonshme në Grand Slamin e Parisit, transmeton Koha.net.
Përmes një postimi në Facebook ai ka thënë se ëndrrat bëhen realitet.
“Ëdrrat bëhn realitet! Fitues i turneut më të madh të xhudos, Grand Slam Paris”, ka shkruar Gjakova, i cili ka postuar foton duke festuar momentin e fitores ndaj gjeorgjianit.
