Arijan Ademi për shumë vjet ka qenë një prej lojtarëve më të mirë dhe lider te skuadra gjigante e Kroacisë, Dinamo e Zagrebit.
31-vjeçari, që përfaqëson Maqedoninë e Veriut, mund të ndryshojë ambient pasi shumë skuadra evropiane janë vënë pas tij.
Në ditët e kaluara u raportua se Valencia e La Ligas dhe Adanaspori i Turqisë janë interesuar për Ademin. Kurse të enjten mediat kroate kanë shkruar se edhe dy skuadra të Bundesligës kanë shprehur interesim për t’i siguruar shërbimet e mesfushorit luftarak.
Trajneri i Dinamos, Ante Çaçiq, ka kërkuar qëndrimin e Ademit deri në afatin kalimtar veror.
Ademi është pjesë e Dinamos së Zagrebit prej vitit 2010. Ka kontratë me klubin kroat deri në vitin 2026.
