Sulmuesi i Tottenhamit, Richarlison, do të jetë jashtë fushës së gjelbër për tri deri në katër javë për shkak të lëndimit në gju, ka thënë trajneri Ange Postecoglou të premten.
26-vjeçari brazilian u lëndua në humbjen e Spursit 2:1 nga Wolverhamptoni.
Richarlisoni është sulmuesi kryesor i Tottenhamit, ndërsa ka shënuar 10 gola në 22 paraqitje në elitën angleze të futbollit në edicionin aktual.
Nëntë prej golave të Richarlisonit janë shënuar në 10 ndeshjet e fundit.
Tottenhami është goditur nga lëndimet e lojtarëve së fundmi.
Do të jetë ende pa Pedro Porron, kurse Ryan Sessegnon pritet të mungojë në tërë pjesën e mbetur të sezonit pas operimit muskulor.
Tottenhami është i pesti në Premier League, me pesë pikë prapa Aston Villas që zë vendin e katërt.
