Sulmuesi 37-vjeçar i Francës, Olivier Giroud mund të largohet nga Milani për t’u transferuar në një skuadër të Shteteve të Bashkuara të Amerikës.
Për sulmuesin shtatlartë interesim kanë shprehur disa klube të rëndësishme të kampionati MLS. Por francezi ende nuk ka vendosur se cilës skuadër do t’i bashkohet në verë.
Ai luan rol të rëndësishëm në skuadrën kuqezi. Ka shënuar 13 gola dhe ka asistuar nëntë herë në 30 ndeshje në të gjitha garat. Me Milanin ka kontratë deri në verë. Pjesë e Milanit është prej vitit 2021.
