Leverkuseni i drejtuar nga trajneri Xabi Alonso e ka shënuar fitoren e 14-të rresht në të gjitha garat.
Të enjten mbrëma, Leverkuseni fitoi edhe në udhëtim ndaj Hackenit suedez 2:0, në ndeshjen e pestë të Grupit H të Ligës së Evropës.
Humbjen e fundit, Leverkuseni në ndeshje zyrtare e ka pësuar më 27 maj të këtij viti.
Victor Boniface në minutën e 14-të dhe Patrick Schick në minutën e 74-t, shënuan golat e fitores.
Granit Xhaka ishte në bankën rezervë në këtë ndeshje.
Leverkuseni e ka siguruar kalimin tutje me 15 pikë nga pesë ndeshje.
Hackeni mbetet pa pikë.
