Mbrojtësi i krahut të djathtë, Jeremie Frimpong, nuk do të largohet nga Bayer Leverkuseni në fund të këtij edicioni.
22-vjeçari do të mbetet edhe për një periudhë në këtë ekip, me të cilin ka firmosur kontratë të re.
Leverkuseni ka njoftuar të martën se me kontratën e re, Frimpong do të jetë pjesë e skuadrës deri në verën e vitit 2028.
Me kontratën e re, 22-vjeçarit i është caktuar edhe një klauzolë lirimi në vlerë prej 50 milionë eurosh.
Po ashtu, Frimpong është bërë ndër lojtarët më të paguar në ekip dhe vlerësohet lart nga trajneri Xabi Alonso.
Në 8 paraqitje këtë edicion në të gjitha garat, holandezi ka shënuar 2 gola dhe ka bërë 3 asistime, ndërsa është pjesë e Leverkusenit prej vitit 2021, kur iu bashkua nga Celticu i Skocisë.
© KOHA. Të gjitha të drejtat janë të rezervuara.
