Newcastle Unitedi ka regjistruar fitore të thellë të dielën në kuadër të xhiros së gjashtë të Premier Leagues së Anglisë.
Newcastle fitoi me rezultatin 8:0 në udhëtim te Sheffield Unitedi. 8:0 “bardhezinjtë” e kishin mposhtur Sheffield Wednesdayn në vitin 1999.
Sean Longstaff në minutën e 21-të, Dan Burn në minutën e 31-të dhe Sven Botman në minutën e 35-të, shënuan për epërsinë 3:0 të mysafirëve në pjesën e parë. Callum Wilson në minutën e 56-të, Anthony Gordon në minutën e 61-të, Miguel Almiron në minutën e 68-të, Bruno Guimaraes në minutën e 73-të dhe Alexander Isak në minutën e 87-të, ishin realizatorët e pesë golave tjerë të Newcastlet në pjesën e dytë. Newcastle në gjashtë ndeshje ka nëntë pikë dhe zë pozitën e tetë. Sheffield Unitedi është i fundit me një pikë, aq sa kanë edhe Lutoni dhe Burnley.
