Sassuolo ka triumfuar 4:2 në shtëpi ndaj Juventusit të shtunën në ndeshjen e xhiros së pestë të Series A të Italisë.
Armand Lauriente (13’), Domenico Berardi (41’), Andrea Pinamonti (82’) dhe Federico Gatti (90+5’ autogol) shënuan për Sassuolon.
Gatti realizoi “superautogol” në çastet e fundit të ndeshjes. Ai në tentim për t’ia kthyer topin portierit, e plasoi në portë.
Nedim Bajrami ishte titullar dhe luajti 85 minuta për Sassuolon.
Për Juventusin realizuan Matias Vina (21’ autogol) dhe Federico Chiesa (78’).
Juventusi pas 5 ndeshjeve i ka 10 pikë dhe zë vendin e katërt. Është dy pikë larg Interit dhe Milanit.
© KOHA. Të gjitha të drejtat janë të rezervuara.
