Mesfushori Konrad Laimer është përforcimi i parë i Bayern Munichut për edicionin e ri. Skuadra bavareze të premten e ka zyrtarizuar transferimin e mesfushorit austriak, i cili me Bayernin ka firmosur kontratë deri në verën e vitit 2027.
Ai te Bayerni është transferuar si lojtar i lirë, pasi në fund të këtij muaji i skadon kontrata me skuadrën e Leipzigut.
Ai prej vitit 2017 luan në Bundesligë, ndërsa me fanellën e Leipzigut ka fituar dy trofe të Kupës së Gjermanisë.
Edicionin e fundit, Laimer ka shënuar 4 gola dhe ka bërë 1 asistim në 29 paraqitje në të gjitha garat. Ai karrierë ka bërë edhe te Salzburgu, ndërsa ka edhe 26 paraqitje dhe 2 gola të shënuar me Përfaqësuesen e Austrisë.
