Sulmuesi Marcus Thuram mund t’i bashkohet skuadrës së Milanit gjatë kësaj vere, ka njoftuar “Football-Italia” të premten.
Bëhet e ditur se klubi italian është në negociata me sulmuesin, i cili po kërkohet me ngulm edhe nga Paris Saint-Germaini.
Thuram në fund të këtij muaji do të jetë lojtar i lirë, pasi i skadon kontrata me Borussia Moenchengladbachun. Te Milani, ai po shihet si përforcim i duhur për sulmin dhe ekipi italian thuhet se i ka ofruar kontratë katërvjeçare.
25-vjeçari prej vitit 2019 luan në Bundesligë, ndërsa edicionin e fundit ka shënuar 16 gola për Gladbachun në të gjitha garat.
Krahas Milanit e PSG-së, interesim për reprezentuesin e Francës kanë shfaqur edhe Barcelona e Interi.
© KOHA. Të gjitha të drejtat janë të rezervuara.
