Vedat Muriqi e ka përfunduar në mënyrën më të mirë edicionin në La Ligën spanjolle.
Sulmuesi i Kosovës realizoi një tjetër gol në ndeshjen e fundit të kampionatit në elitën e futbollit të Spanjës.
Muriqi me Mallorcan të dielën fituan përballë Rayo Vallecanos me rezultatin 3:0.
Golin e parë në ndeshje e shënoi sulmuesi shtatlartë në minutën e 51-të, me asistim të Daniel Rodriguezit.
Muriqi që u zëvendësua në minutën e 77-të, ka shënuar 15-të gola në këtë edicion të La Ligas. Ai ka edhe tri asistime.
Ndërkohë Mallorca me këtë fitore e mbyll kampionatin në vendin e nëntë me 50 pikë.
Te Rayo Vallecano, Ivan Balliu i Shqipërisë luajti deri në minutën e 73-të.
Vallecano përfundon La Ligan në këtë edicion me 49 pikë, në pozitën e 11-të.
20:02
Muriqi shënon golin e 15-të në La Liga
Vedat Muriqi e ka shënuar golin e 15-të në La Liga këtë edicion.
Muriqi me Mallorcan është duke fituar ndaj Rayo Vallecanos 1:0, ndërsa sulmuesi i Kosovës realizoi në minutën e 51-të. Muriqi ka edhe tri asistime në këtë sezon.
Në La Liga po luhet ndeshja e fundit e këtij edicioni.
