Presidenti i Federatës së Futbollit të Brazilit, Ednaldo Rodrigues, ka thënë se Carlo Ancelotti mbetet plani “A” i tyre për ta drejtuar përfaqësuesen braziliane.
Ai ka thënë se Ancelotti do ta pranojë ofertën për ta drejtuar Brazilin. “Ai e do ekipin përfaqësues të Brazilit. Ai njeh shumë lojtarë të Brazilit dhe futbollin brazilian”, ka thënë Ridrigues për “OUL Esporte”. Ancelotti është trajneri i Realit.
Brazili ende nuk është përcaktuar për selektor të ri pas largimit të Titos pas dështimit në Kupën e Botës në Katar.
