Skuadra e Barcelonës ka siguruar shërbimet e mesfushorit të Wolverhamptonit, Ruben Neves. “Sky Sports” shkruan të hënën se Barcelona tashmë ka arritur marrëveshje me ekipin anglez, e cila do të finalizohet muajin tjetër.
Po ashtu, ekipi spanjoll ka marrëveshje personale edhe me mesfushorin portugez që po pëlqehet shumë nga trajneri Xavi Hernandez.
Bëhet e ditur se Barcelona është pajtuar të paguajë 30 milionë euro për Nevesin, i cili edicionin e fundit ka qenë kapiten i Wolvesit.
26-vjeçari do të firmosë kontratë afatgjate me Barcelonën që do të jetë ekipi i tij i tretë në karrierë pasi ka luajtur edhe për Porton. Neves prej vitit 2017 është pjesë e skuadrës angleze dhe kontrata i skadon vitin e ardhshëm. Në sezonin e sapopërfunduar në Premier League, Neves ka shënuar 6 gola dhe ka asistuar 1 herë në 35 paraqitje.
© KOHA. Të gjitha të drejtat janë të rezervuara.
