Federata e Hendbollit të Koosvës (FHK), e ka të drejtën që të përfaqësohet me tetë skuadra në Kupat Evropiane për edicionin 2023/24. Në njoftimin e FHK-së, thuhet se katër skuadra në konkurrencën e meshkujve mund të paraqiten për të garuar në Kupën Evropiane (EHF European Cup).
Ndërkohë, në konkurrencën e femrave, Istogu si kampion ka të drejtën e paraqitjes në Ligën Evropiane (EHF European League), ndërsa tri skuadra tjera mund të paraqiten në Kupën Evropiane.
“Besa Famgas, Istogu por edhe skuadrat tjera do të synojnë të bëjnë hap para në kupa evropiane në edicionin e ardhshëm garues. Shumica e skuadrave tona pritet ta shfrytëzojnë të drejtën e garimit në gara evropiane në edicionin tjetër, që fillon në vjeshtë.”, thuhet ndër të tjera në njoftimin e FHK-së.
