Ekspertja e Ligës së Evropës eliminon Manchester Unitedin

Sevilla ka shkuar në gjysmëfinale të Ligës së Evropës. Andaluzianët të enjten mbrëma fituan në ndeshjen kthyese të çerekfinales ndaj Manchester Unitedit me rezultatin 3:0.

Skuadra spanjolle që mban rekordin me gjashtë trofe të fituar në garën e dytë më të rëndësishme të organizuar nga UEFA për klube, fitoi përballë Unitedit me dy gola të Youssef En Nesyrit dhe një tjetër nga Loic Bade.

En Nesyri e hapi serinë e golave në minutën e tetë.

Mbrojtësi francez Bade shënoi dy minuta pasi skuadrat u kthyen në fushë pas pushimit, ndërsa En Nesyri realizoi edhe një herë tjetër në minutën e 81-të.

Ndeshja e parë në “Old Trafford” ishte mbyllur me rezultatin 2:2.

Sevilla kalon në gjysmëfinale me rezultatin e përgjithshëm, 5:2.

Skuadra spanjolle në gjysmëfinale luan kundër Juventusit.

Sevilla ka shënuar edhe golin e tretë në duelin ndaj Unitedit dhe është shumë pranë kualifikimit në gjysmëfinale.

En Nesyri ishte realizator edhe i golit të tretë në minutën e 81-të.

Me të nisë pjesa e dytë, Sevilla ka dyfishuar epërsinë ndaj Manchester Unitedit. Loic Bade realizoi me kokë nga afërsia pas rivënies këndore.

Me këtë epërsi, Sevilla udhëheq në rezultat të përgjithshëm 4:2.

Janë mbyllur pjesët e para të çerekfinaleve kthyese të Ligës së Evropës. Sevilla është në epërsi ndaj Manchester Unitedit 1:0.

Golin e vetëm e ka shënuar Youssef En Nesyri në minutën e tetë.

Lucas Ocamposit të Sevillas iu anulua goli pas rishikimit të situatës në VAR, pasi gjatë ndërtimit të aksionit pati pozitë jashtë loje.

Sevilla ka kaluar në epërsi në ndeshjen ndaj Manchester Unitedit.

Kjo është ndeshje kthyese e çerekfinales së Ligës së Evropës.

Golin e epërsisë e shënoi Youssef En Nesyri në minutën e tetë.

Ai shfrytëzoi gabimin e qendërmbrojtësit Harry Maguire, që tashmë njihet për gabimet e shpeshta.

Në rezultat të përgjithshëm, Sevilla udhëheq 3:2, pas barazimit në Old Trafford ndeshjen e parë.

© KOHA. Të gjitha të drejtat janë të rezervuara.