E ardhmja e trajnerit Carlo Ancelotti te Real Madridi nuk është aspak e sigurt, ka njoftuar “Marca” të martën. Bëhet e ditur se Ancelotti po ka presion nga drejtuesit e klubit për ta mbrojtur titullin e kampionit në La Liga dhe kjo nuk do të jetë aspak lehtë.
Reali ka humbur katër pikë në shtatë ndeshjet e fundit dhe ka nëntë pikë më pak në tabelë se Barcelona, që është lidere e La Ligas.
Ancelotti tashmë është paralajmëruar se mund të shkarkohet në fund të sezonit, pavarësisht se ka kontratë me Realin deri në verën e vitit të ardhshëm. Ai u rikthye në vitin 2021 te Real Madridi dhe sezonin e shkuar triumfoi në La Liga dhe Ligën e Kampionëve.
