Kolumbiani Juan Cuadrado sipas të gjitha gjasave, do ta vazhdojë karrierën në Arabinë Saudite. “Tuttosport” ka raportuar të martën se Cuadrado do të transferohet te skuadra Al-Nassr, me të cilën thuhet se parimisht ka arritur marrëveshje.
Mësohet se Cuadrado ka refuzuar ofertat nga skuadrat e Evropës për t’iu bashkuar Cristiano Ronaldos tek ekipi saudit. Cuadrado ka qenë bashkëlojtar me Ronaldon te Juventusi dhe ishte portugezi, ai që e bindi që të luajë në Lindjen e Mesme prej sezonit të ardhshëm.
Cuadrado tek Al-Nassr do të transferohet si lojtar i lirë, pasi në verë i skadon kontrata me Juventusin, ndërsa me ekipin saudit do të firmosë për dy vjet. 34-vjeçari është pjesë e Juventusit prej vitit 2015, kurse në Evropë ka luajtur edhe për Chelsean, Fiorentinan, Udinesen e Leccen. Këtë sezon, në 26 paraqitje në të gjitha garat ka bërë edhe 4 asistime.
