Bayerni ka shprehur interesim për sulmuesin francez, Marcus Thuram.
Kështu kanë raportuar mediume të ndryshme në Gjermani të hënën.
Sulmuesi francez me Borussia Moenchengladbachun ka kontratë deri në fund të sezonit aktual.
Ai në 22 ndeshje ka shënuar 14 gola dhe ka kontribuar me katër asistime. Pjesë e klubit gjerman Thuram është prej vitit 2019. 25-vjeçari ka refuzuar ta vazhdojë kontratën me klubin gjerman. Krahas Bayernit, interesim për francezin kanë shprehur edhe Chelsea, PSG-ja, Manchester United, Arsenali, Interi dhe disa skuadra tjera evropiane.
