Trepça nuk ka pasur telashe për të vazhduar me fitore në Superligën e Kosovës në basketboll. Të shtunën mbrëma në Gjakovë, Trepça e mposhti Vëllaznimin me rezultatin bindës, 87:71.
Ndeshja i ka takuar xhiros së 21-të të kampionatit të Kosovës. Trepça tani ka 12 fitore e nëntë humbje. Ndërkohë Vëllaznimi ka pësuar humbjen e 13-të. I ka edhe tetë fitore.
Mikaile Tmushiq i Trepçës realizoi 13 pikë, pesë kërcime e katër asistime. Drilon Hajrizi i kishte 20 pikë, katër kërcime e tri asistime. Me 16 pikë kontribuoi Erjon Kastrati. Jahi Carson ishte më i miri te Vëllaznimi me 16 pikë. 21 pikë, por edhe shumë gjuajtje të pasakta, kishte Jordan Harris.
Palestra u zbraz dy minuta para fundit, pasi fare pak shikues kanë drejtuar fyerje ndaj kryetarit të FBK-së, Arben Fetahu. Ndërprerja ka zgjatur rreth 20 minuta.
20:37
Ndërpritet ndeshja në Gjakovë
Është ndërprerë ndeshja në Gjakovë mes Vëllaznimit dhe Trepçës.
Për shkak të fyerjeve ndaj kryetarit të FBK-së, dy minuta para fundit ndeshja është ndërprerë nga gjyqtarët.
Trepça po udhëheq bindshëm në Gjakovë.
Ndeshja pritet të vazhdojë pas largimit të shikuesve nga palestra.
