Pas humbjes nga Napoli në Serie A dhe eliminimit nga Kupa e Italisë nga Cremonese në mesjavë, Roma e Jose Mourinhos është kthyer te fitorja në elitën e futbollit italian.

Roma të shtunën fitoi ndaj Empolit në xhiron e 21-të, 2:0.

Të dy golat u shënuan brenda gjashtë minutave të para.

Në minutën e dytë, mbrojtësi brazilian Roger Ibanez shënoi për 1:0, kurse Tammy Abraham shënoi pas katër minutash për 2:0.

Marash Kumbulla ishte në bankën rezervë te Roma, ndërsa Samir Ujkani tek Empoli.

Roma në 21 ndeshje ka 40 pikë gjithsej, ndërsa Empoli mbetet me 26 pikë.