Lindon Emërllahu i Ballkanit dhe Alef Firmino i Llapit, janë dënuar me nga dy ndeshje moslojë nga Komisioni Disiplinor i Federatës së Futbollit të Kosovës (FFK).
Dy futbollistët patën një kacafytje mes veti në fund të ndeshjes së Superkupës së Kosovës që u zhvillua muajin e shkuar në Antalia të Turqisë.
Ballkani e fitoi duelin me rezultatin 1:0, ndërsa Emërllahu e Firmino u ndëshkuan direkt me kartonë të kuq nga gjyqtari i ndeshjes.
Komisioni Disiplinor pasi ka siguruar komplet materialin nga zyrtarët e ndeshjes dhe incizimin televiziv, ka vepruar duke u bazuar në nenin 40 të rregullores disiplinore. Si Emërllahu ashtu edhe Firmino do të mungojnë në dy ndeshjet e radhës, të cilat organizohen në kuadër të FFK-së.
© KOHA. Të gjitha të drejtat janë të rezervuara.
