Sport

Tenistja amerikane nderoi Ukrainën pasi eliminoi kundërshtaren nga Rusia

 

Tenistja amerikane Katie Volynets i bëri nderime të përzemërta familjes së saj të gjerë në Ukrainë, pasi e eliminoi numrin nëntë të botës, rusen Veronika Kudermetova nga “Australian Open”, të enjten.

Kudermetova, e cila gjatë vitit 2022 ishte mahnitëse ku fitoi pothuajse 40 ndeshje, u mund nga 21-vjeçarja Volunets me rezultatin 6-4, 2-6, 6-2 në Margaret Court Arena. Ishte fitorja e parë e tenistes Volynets në nivelin e turneve Grand Slam në karrierë dhe e futi atë në rundin e tretë.