Thiago Silva ka lënë të kuptohet se do të pensionohet para Kupës së Botës 2026, por ka shtuar se do të kishte dëshirë që ende të jetë i përfshirë në skuadrën braziliane.
Silva pati paraqitje të mirë në Kupë të Botës, por ishte partneri i tij në mbrojtje, Marquinhos, që devijoi topin në golin e barazimit ndaj Kroacisë, e më pas e humbi penalltinë vendimtare.
“Është e vështirë. Kam kaluar nëpër dëshpërime në jetën time dhe kur humb diçka të rëndësishme, dhemb shumë. Duhet ta ngremë kokën lartë e të vazhdojmë. Nuk kemi alternativë tjetër. Për fat të keq, si lojtar, nuk do të jem në gjendje ta ngre lartë këtë trofe. Kush e di, në të ardhmen mund të jem i përfshirë në skuadër me një rol tjetër”, ka thënë kapiteni i Brazilit.
Silva në Botërorin e ardhshëm do të jetë rreth moshës 42-vjeçare.
