Zlatan Ibrahimoviqi ka folur rreth Kupës së Botës në Katar dhe ka treguar se kë po e përkrah në Botërorin e pazakontë. Ibrahimoviqi dhe Lionel Messi luajtën së bashku për një sezon te Barcelona, gjatë vitit 2009 dhe 2010.

“Shpresoj që të triumfojë Argjentina në Katar për shkak të Messit”, ka thënë Ibrahimoviqi në një intervistë dhënë për “433”.

Messi do të luajë të premten kundër Holandës në çerekfinale. “Albicelestët” shpresojnë ta fitojnë Botërorin e tretë, dhe të parin që prej vitit 1986. Për Messin 35-vjeçar vlerësohet të jetë Botërori i fundit në karrierë.