Italia, Spanja dhe Gjermania nuk e kanë fituar asnjë ndeshje të fazës nokaut qëkur e kanë ngritur lartë trofeun më të çmuar në futboll.
“Azzurrët” u bënë fitues të Kupës së Botës në vitin 2006 nën drejtimin e Marcello Lippit, duke e mposhtur Francën në penallti, në finalen e paharruar në Berlin.
Megjithatë, ata kanë dështuar në edicionet pasuese pasi e kaluan fazën grupore në vitin 2010 dhe 2014.
Edhe më keq për Italinë ishte mos kualifikimi i Italisë në Botërorin “Rusia 2018”, me Gian Piero Venturan në krye të skuadrës. Nuk u kualifikuan as në Botërorin 2022 në Katar me Roberto Mancinin. Mancini me Italinë kishte fituar Evropianin vetëm tetë muaj më parë, ndërsa u mposht nga Maqedonia e Veriut në plejofin e kualifikimeve në muajin mars.
Spanja dhe Gjermania e ndajnë të njëjtin rekord si “Azzurrët”, duke mos fituar asnjë ndeshje pas fazës së grupeve.
Spanja ngriti trofeun lartë në vitin 2010 dhe u eliminua në fazën e grupeve në vitin 2014, dhe në një të tetën e finales në vitin 2022.
Gjermania nuk u kualifikua në fazën nokaut në dy edicionet e fundit të Botërorit, “Rusia 2018” dhe “Katari 2022”. E kishte fituar Botërorin në vitin 2014.
© KOHA. Të gjitha të drejtat janë të rezervuara.
