Sport

Brazili vallëzon sërish

FOTO: AP
 

Gëzimi, por edhe kërcimi, janë kthyer për pesë herë kampionin e botës, Brazilin në turneun e Katarit. Fitorja e thellë ndaj Koresë së Jugut të hënën ia siguroi Brazilit kalimin në mesin e tetë ekipeve më të mira. Ajo gjithashtu ktheu besimin e skuadrës pas një fillimi të trazuar të turneut në të cilin Brazili humbi sulmuesin Neymar për shkak të lëndimit dhe pa që seria pozitive në fazën e grupeve të përfundonte me një humbje ndaj Kamerunit.

Neymar u kthye me stil pas mungesës prej dy ndeshjeve, duke u dukur plotësisht në formë dhe duke shënuar një gol në fitoren 4:1 të Brazilit në “Stadium 974”. Vinicius Junior, Richarlison dhe Lucas Paqueta gjithashtu shënuan dhe pas çdo goli brazilianët shpërthyen në lëvizjet e vallëzimit. Ata kishin premtuar festime të ndryshme për çdo gol në Katar dhe më në fund ishin në gjendje të përdornin shumë prej tyre, pas një faze grupore në të cilën Brazili shënoi vetëm tri herë.