Sport

Shaqiri e Xhaka sërish me goditjen fatale për Serbinë

Xherdan Shaqiri e Granit Xhaka i kanë dhënë edhe një goditje Serbisë. Shumë të rëndë madje. Fatale.

Dy shqiptarët kanë udhëhequr Zvicrën që të premten mbrëma e mposhti Serbinë me rezultatin 3:2. Zvicra avancoi në fazën nokaut të Botërorit në Katar, kurse serbët mund të fillojnë përgatitjen e valixheve. Janë eliminuar.

Ndeshja në stadiumin “974” në Doha ishte emocionale dhe me tension. Ndeshje të madhe kishte Xherdan Shaqiri, që shënoi një gol dhe nisi aksionet për dy të tjerët. Xhaka ishte stabil në mesfushë, ndërsa pati dy momente tensioni me lojtarët serbë. Pasi u provokua nga rezervistët serbë, Xhaka u përgjigj duke i sharë ata. U krijua një tollovi në mesin e pjesës së dytë, por shpejtë u kthye qetësia. Në fund kishte tjetër rast tensioni. Xhakën e rrethuan lojtarët serbë, por ai u përball fillimisht i vetëm me ta. Më pas u ndihmua edhe nga lojtarët tjerë të Zvicrës.

Edhe katër vjet më parë në Rusi, Xhaka e Shaqiri ishin vendimtar për fitoren 2:1 ndaj Serbisë. Të dy shënuan gola dhe festuan me shqiponjë. Për atë festë u diskutua gjatë dhe po diskutohet ende.

Tjetër ndeshje të madhe patën dy shqiptarët të premten mbrëma në Katar. Dhe sërish për veprimet e tyre në fushë, shkëlqimin e tyre do të diskutohet shumë gjatë.


Xhaka si luan, përballet me gjithë ekipin e Serbisë

Granit Xhaka vazhdon të provokohet nga lojtarët serbë.

Ai është përplasur thuajse me gjithë ekipin serb në momentet e fundit të takimit. Xhakës i janë tubuar lojtarët serbë, ndërsa në ndihmë i dolën lojtarët e Zvicrës.


Shaqiri zëvendësohet, faleminderit maestro

Xherdan Shaqiri është zëvendësuar në minutën e 69-të të ndeshjes me Serbinë. Ai ka pasur shqetësime në kofshë para ndeshjes. Shaqiri është dukur i pakënaqur për zëvendësimin.

Ai ka shkëlqyer në ndeshje. Ka shënuar golin e parë dhe ka nisur aksionet për dy golat tjerë.

Një paraqitje maestrale e mjeshtrit shqiptar të topit.


Tensionohet situata, Xhaka provokohet nga lojtarët serbë

Ka tensione në ndeshjen Serbia – Zvicra.

Granit Xhaka është provokuar nga lojtarët e Serbisë që po ngrohen pranë vijës anësore. Xhaka u është përgjigjur, por megjithatë ka ruajtur qetësinë.


Zvicra në epërsi, Shaqiri maestral

Zvicra ka kaluar në epërsi 3:2 ndaj Serbisë.

Remo Freuler shënoi në minutën e 48-të pas një aksioni mjeshtëror të nisur natyrisht nga Xherdan Shaqiri.

https://dubz.co/v/zjy9wd


Nis pjesa e dytë

Ka nisur pjesa e dytë e ndeshjes mes Zvicrës dhe Serbisë.

Rezultati është i barabartë 2:2.  


Shaqiri i hatashëm, Zvicra po barazon me Serbinë

Xherdan Shaqiri ka shënuar një gol dhe ka nisur aksionin për një tjetër, ndërsa Zvicra po barazon 2:2 me Serbinë pas pjesës së parë.

Shaqiri shënoi për 1:0 në minutën e 20-të. Serbia u kthye me golat e Aleksandar Mitroviqit në minutën e 26-të dhe Dushan Vlahoviqit në minutën e 35-të.

Por Zvicra nuk u ndal. Shaqiri nisi aksion të bukur në minutën e 44-t, ndërsa topi në zonë erdhi te Breel Embolo që shënoi nga afërsia për 2:2.

Me barazim, Zvicra avancon në fazën nokaut.


BARAZON ZVICRA

Zvicra ka barazuar rezultatin në ndeshjen ndaj Serbisë.

Për 2:2 shënoi Breeel Embolo. Aksionin e nisi Shaqiri, ndërsa Embolo shënoi nga afërsia.

https://dubz.co/v/1g31g0


Zvicra në disavantazh

Zvicra ka pësuar edhe golin e dytë në përballje me Serbinë.

Ka realizuar Dushan Vlahoviq për 2:1. Po zhvillohet minuta e 36-të.


Barazohet rezultati

Serbia e ka barazuar rezultatin ndaj Zvicrës.

Aleksander Mitroviq shënoi në minutën e 26-të për rezultatin 1:1.  

Me këtë rezultat, Zvicra kalon tutje.

https://dubz.co/v/5wddga


SHAQIRIIIIIII

Image

Xherdan Shaqiri ka heshtur sërish serbët.

Ai ka shënuar për 1:0 në minutën e 20-të.

Ka festuar me pasion duke dërguar duart te emri i tij në fanellë.

https://dubz.co/v/dhada9


Zvicra e nis frikshëm

Zvicra ka provuar të shënoi që në nismë të ndeshjes me Serbinë.

Xhaka i bëri dy goditje. Njërën ia ndali një lojtar e tjetrën portieri.


Nis ndeshja Zvicër – Serbi

Ka nisur ndeshja vendimtare e Grupit G të Kupës së Botës mes Zvicrës dhe Serbisë.

Takimi që po zhvillohet në stadiumin “974” është i rëndësisë jetike për të dyja përfaqësueset. Për helvetikët, nga minuta e parë po luajnë dy shqiptarët Xherdan Shaqiri e Granit Xhaka. Ardon Jashari është në bankën rezervë.

Zvicra ka tri pikë në vendin e dytë. Ndërsa Serbia është e fundit me një pikë. Brazili i prin grupit me gjashtë pikë, kurse Kameruni është i treti me një pikë.

Zvicra kalon tutje edhe me barazim.