Përfaqësuesja e Brazilit do të jetë pa Neymarin edhe në duelin e 1/8 së finales të Kupës së Botës.
Mediumet braziliane kanë raportuar të enjten se Neymari nuk do të rikuperohet me kohë për ndeshjen e fazës së eliminimit, që do të luhet javën tjetër.
Bëhet e ditur se gjasat janë minimale për Neymarin që të kthehet në çerekfinale, nëse Brazili avancon.
Brazili tashmë e ka siguruar kalimin nga Grupi G, ndërsa Neymari u lëndua në ndeshjen e parë kundër Serbisë. Ai mungoi ndaj Zvicrës, ndërsa nuk do të paraqitet as në ndeshjen e nesërme kundër Kamerunit.
Krahas Neymarit, Brazili në 1/8 e finales do të jetë edhe pa Alex Sandron, ndërsa Danilo ka gjasa të rikuperohet me kohë për këtë ndeshje.
© KOHA. Të gjitha të drejtat janë të rezervuara.
