Përfaqësuesja e Ganës ka shënuar fitoren e parë në Kampionatin Botëror. Pas humbjes nga Portugalia, Gana të hënën e mposhti Korenë e Jugut. Për Korenë e Jugut, kjo është humbja e parë në turneun e Katarit pas barazimit pa gola në duelin ndaj Uruguait. Ndeshja e luajtur të hënën në kuadër të Grupit H, përfundoi me fitoren e ngushtë 3:2 të Ganës.
Ganezët shënuan dy gola në pjesën e parë dhe një në të dytën për ta fituar ndeshjen.
Tani, kanë tri pikë të tubuara, dy më shumë se Koreja e Jugut që gjasat për avancim nga faza e grupeve i ka minimale. Mohammed Salisu në minutën e 24-të dhe Mohammed Kudus në të 35-tën, shënuan golat për Ganën që e mbylli pjesën e parë në epërsi. Në pjesën e dytë, Koreja e Jugut u kundërpërgjigj me anë të sulmuesit Cho Gue-sung. Ai fillimisht e ngushtoi epërsinë e Ganës në minutën e 61-të, përpara se ta barazojë rezultatin dy minuta më vonë. Të dy golat, sulmuesi Cho i shënoi me kokë. Megjithatë, golin e fitores për Ganën, e shënoi mesfushori Kudus. Për Kudusin, ky ishte goli i tij i dytë në këtë përballje. Duelin e radhës, Gana e luan të premten me Uruguain derisa Koreja e Jugut do të përballet me Portugalinë.
Përfaqësuesja e Ganës ka rikthyer epërsinë dhe aktualisht po avancon 3:2 ndaj Koresë së Jugut. Mesfushori Mohammed Kudus shënoi në minutën e 69-të pasi mori top në zonë. Për Kudusin, ky është goli i tij i dytë në këtë takim.
Koresë së Jugut nuk i janë dashur më shumë se tre minuta për ta barazuar rezultatin kundër Ganës. Edhe golin e dytë për Korenë e Jugut, e shënoi sulmuesi Cho Gue-sung, që realizoi me kokë në minutën e 61-të.
Rezultati momental është 2:2 në duelin e Grupit H që po zhvillohet në “Educational City Stadium”.
Koreja e Jugut ka shënuar golin e parë në Kupën e Botës dhe ka ngushtuar avantazhin e Ganës.
Në duelin e Grupit H, rezultati është 2:1 në favor të Ganës që realizoi dy herë në pjesën e parë.
Koreja e Jugut e ngushtoi epërsinë në minutën e 58-të, me anë të sulmuesit Cho Gue-sung që shënoi me kokë.
Përfaqësuesja e Ganës është në epërsi prej dy golave pas pjesës së parë kundër Koresë së Jugut.
Pas 45 minutave të parë në ndeshjen e Grupit H, rezultati është 2:0 në të mirë të përfaqësueses nga Afrika. Në fakt, Gana ishte më e mirë se Koreja e Jugut gjatë pjesës së parë dhe shënoi dy gola të shpejtë për të shkuar në pushim me një epërsi komode.
Në minutën e 24-të, Gana zhbllokoi rezultatin. Mohammed Salisu shënoi për epërsinë e Ganës, ndërsa avantazhin e dyfishoi Mohammed Kudus në minutën e 35-të. Kjo ndeshje po luhet në “Education City Stadium” dhe i takon xhiros së dytë të fazës së grupeve
Dhjetë minuta pas golit të parë, Përfaqësuesja e Ganës ka shënuar edhe golin e dytë kundër Koresë së Jugut.
Në minutën e 35-të, rezultatin e dyfishoi mesfushori Mohammed Kudus. Ai shënoi me kokë pas harkimit të Jordan Ayeëit nga krahu i majtë.
Në aksionin e parë të rrezikshëm, Gana ka zhbllokuar rezultatin ndaj Koresë së Jugut për të kaluar në epërsi.
Pas minutës së 24-të, Gana po avancon 1:0 kundër Koresë së Jugut, në ndeshjen që i takon Grupit H dhe po luhet në “Education City Stadium”.
Mohammed Salisu shënoi golin për Ganën pas tollovisë së krijuar para portës së Koresë së Jugut pas harkimit nga gjuajtja e lirë. Goli i Ganës u konfirmua edhe nga dhoma e VAR-it.
© KOHA. Të gjitha të drejtat janë të rezervuara.
