Australia ka shënuar fitore shumë të rëndësishme në Kupën e Botës në Katar.
Në ndeshjen e parë të së shtunës, Australia fitoi 1:0 ndaj Tunizisë, që kishte përkrahje të madhe nga shikuesit në tribuna.
Por përkrahja këtë herë nuk kreu punë. Australianët shënuan për 1:0 në minutën e 23-të dhe më pas e mbajtën këtë epërsi deri në fund.
Mitchell Duke shënoi golin me goditje me kokë.
Në pjesën e dytë Tunizia u hodh në sulm në kërkim të golit, por pa konkretizuar.
Për Australinë është fitorja e parë.
Tunizia mbetet me pikën e fituar ndaj Danimarkës.
Australia në epërsi pas pjesës së parë
Australia ka shkuar në pushim midis pjesëlojëve me epërsinë 1:0 ndaj Tunizisë.
Australianët kanë shfaqur më shumë, ndërsa Tunizia kishte një rast të mirë fare në fund.
Australia në epërsi
Australia ka kaluar në epërsi 1:0 ndaj Tunizisë.
Është Mitchell Duke që shënoi gol të bukur me kokë në minutën e 23-të.
Filloi ndeshja mes Tunizisë dhe Australisë
Në stadiumin “Al Janoub” ka nisur ndeshja mes Tunizisë dhe Australisë.
Ndeshja i takon Grupit D të Botërorit në Katar.
Tunizia në ndeshjen e parë barazoi me Danimarkën, ndërsa Australia pësoi nga Franca.
© KOHA. Të gjitha të drejtat janë të rezervuara.
