Shahisti, në qendër të një debati të mashtrimit, me gjasë ka mashtruar në më tepër se 100 lojë online, sipas një hetimi, raporton BBC.
Hans Niemann është akuzuar nga kampioni i botës Magnus Carlsen për mashtrim, ndonëse nuk është prezantuar asnjë dëshmi.
Tash një hetim i “Chess.com” ka konstatuar se Niemann me gjasë ka mashtruar shumë më tepër se që është bërë e ditur.
Por, nuk është zbuluar ndonjë dëshmi se ai ka mashtruar në lojën e tij kundër Carlsenit apo në ndonjë lojë reale.
Amerikani Niemann ka pranuar se ka mashtruar në lojë joformale kur ishte i ri, por ka mohuar mashtrimin në lojë garuese.
19-vjeçari më herët ka akuzuar Carlsenin se po synon t’ia shkatërrojë karrierën.
Skandali nisi muajin e kaluar, pasi Carlsen, nga shumë që konsiderohet lojtari më i mirë i të gjitha kohërave, u mposht nga Niemanni në Sinquefield Cup në një befasi të madhe.
Norvegjezi vetëm javën e kaluar ka bërë akuza direkte ndaj Niemannit.
“Chess.com” ka prodhuar një hetim 72 faqesh për lojët e Niemannit në këtë faqe, kundër top-garuesve dhe po ashtu për para.
Faqja e kishte bllokuar Niemannin për mashtrim. Ndërsa tha se kishte mashtruar qysh në vitin 2020.
