Sport

Kosova kërkon fitore për ta konfirmuar vendin e dytë

 

(KD) - Synim i Kosovës dhe i përzgjedhësit, Alain Giresse, tani është që edicionin e tretë të Ligës së Kombeve ta përfundojë në pozitën e dytë në grup. Për ta konfirmuar vendin e dytë në Grupin 2 të Ligës C, “Dardanët” duhet ta mposhtin Irlandën e Veriut në ndeshjen e parafundit.

Përzgjedhësi Giresse në konferencën për shtyp të premten ka theksuar se pozita e dytë në grup është shumë e rëndësishme për Kosovën. Ai ka thënë se Kosova do të kërkojë rezultat pozitiv përballë Irlandës së Veriut.