Erling Haaland ka shënuar tjetër gol me skuadrën e Manchester Cityt, në një mbrëmje të madhe me skuadrën e tij.
Manchester City fitoi të mërkurë mbrëma ndaj Dortmundit me rikthim të rezultatit, në ndeshjen e dytë të Grupit G të Ligës së Kampionëve.
Jude Bellingham i dha avantazhin në minutën e 56-të Dortmundit, por City u kthye me dy gola të shpejtë.
Në minutën e 80-të shifrat i barazoi John Stones me gjuajtje të fuqishme, kurse fitoren vendësve ia siguroi sulmuesi shtatlartë i Norvegjisë, Haaland. Ai realizoi golin e 26-të në 21 ndeshje të Ligës së Kampionëve.
City prinë në grup me gjashtë pikë.
Tri pikë ka Dortmundi në vendin e dytë.
21:57
Përfundon pa gola pjesa e parë mes Cityt e Dortmundit
Është mbyllur pa gola derbi ndërmjet Manchester Cityt dhe Borussia Dortmundit që po luhet në “Etihad Stadium”.
Ndeshja e Grupit G nuk është karakterizuar me raste gjatë 45 minutave të para, ndonëse skuadra e Cityt ka pasur dominuar në mbizotërimin e topit.
Pa gola ka përfunduar edhe ndeshja tjetër e këtij grupi që po zhvillohet ndërmjet Salzburgut dhe Copenhagenit.
