2 perditesime
16:58

Gjilani barazon me Prishtinën

Gjilani dhe Prishtina kanë barazuar në ndeshjen e xhiros së gjashtë të Superligës.

Ndeshja e zhvilluar në stadiumin me bar sintetik në Gjilan u mbyll, 1:1.

Elton Cale shënoi për vendësit pesë minuta para se skuadrat të shkonin në pushim.

Barazimi erdhi në minutën e 67-të. Kreshnik Uka realizoi nga penalltia.

Pas gjashtë ndeshjeve të luajtura, Gjilani mbetet lider në tabelë me 14 pikë.

Prishtina në vendin e katërt ka tetë pikë në pesë ndeshje të luajtura.

Gjilani në xhiron e radhës luan në udhëtim derbin me Dritën, kurse Prishtina e pret Malishevën.

16:35

Prishtina barazon rezultatin

Prishtina ka arritur t’i barazojë shifrat në udhëtim te skuadra e Gjilanit, në ndeshjen e xhiros së gjashtë të Superligës së Kosovës në futboll.

Kreshnik Uka barazoi për Prishtinën në minutën e 67-të. Uka realizoi nga penalltia dhe mposhti portierin Enea Koliçi të Gjilanit.

Penalltia u fitua me VAR, pas prekjes me dorë të mbrojtësit të krahut të djathtë të Gjilanit, Përparim Islami.

15:52

Gjilani në pushim me epërsi minimale

Futbollistët e Gjilanit kanë shkuar në pushim me epërsi minimale 1:0 ndaj Prishtinës.

Elton Cale ka shënuar golin e epërsisë për gjilanasit në ndeshjen tjetër derbi të Suerligës në futboll. Cale shënoi golin nga afërsia në minutën e 41-të pas asistimit të Albert Dabiqajt.

Ky takim po luhet në fushën me bari sintetik në Gjilan dhe i takon javës së gjashtë të Superligës në futboll.