Manchester Unitedi ka konfirmuar të martën se ka arritur marrëveshje me skuadrën e Ajaxit për transferimin e sulmuesit të krahut, brazilianit Antony.

Në njoftimin e klubit anglez thuhet se Antony do t’i kryejë kontrollimet mjekësore, përpara se ta firmos kontratën.

Detajet e marrëveshjes nuk janë bërë të ditura, por raportohet se Unitedi është pajtuar të paguajë rreth 90 milionë euro për 22-vjeçarin.

Antony prej vitit 2020 është pjesë e Ajaxit dhe ka fituar dy tituj kampioni të Holandës. Këtë edicion, ai ka shënuar dy gola dhe ka bërë po aq asistime në tri paraqitje për Ajaxin.