Linda Zeqiri ishte pranë fitores së parë në Kampionatin Evropian të pingpongut që po mbahet në Munih të Gjermanisë.
Në kuadër të fazës grupore, Zeqiri të hënën pasdite u përball me Harisa Meshetoviqin e Bosnjë-Hercegovinës. Ndeshja ishte dramatike, ndërsa në fund me rezultat të ngushtë fitoi Meshetoviq. 3:2 në sete fitoi boshnjakja.
Seti i pestë dhe vendimtar përfundoi 13:11 për Meshetoviqin, ndonëse pingpongistja kosovare ishte në epërsi në momentet e fundit të duelit.
Setin e parë e fitoi pingpongistja kosovare, 11:6. Meshetoviq u përgjigj duke fituar dy setet tjera, 11:7 e 11:5. Seti i katërt i takoi Zeqirit, 11:6 dhe kështu fituesja u vendos në setin e pestë. Seti i pestë ishte dramatik.
Të hënën lojën e radhës e kishte edhe pingpongisti kosovar Fatih Karabaxhak. Ai humbi nga bullgari Teodor Alexandrov me 3:0 në sete.
11:6, 11:8 dhe 11:2 përfunduan setet në të mirë të bullgarit.
Në ditën e parë të Evropianit, të shtunën, Karabaxhan e Zeqiri humbën 3:1 duelin në çifte të përziera. Ndërkohë të dy i humbën edhe duelet në çifte, kurse për partnerë kishin garues nga Maqedonia e Veriut. Në çifte, Karabaxhak e Zeqiri i humbën meçet e tyre me 3:0 në sete.
Të dielën, Fatih Karabaxhak humbi 3:0 në sete nga Jiri Martinko i Çekisë. Ndërkohë Linda Zeqiri humbi 3:0 nga Filippa Bergand e Suedisë.
Dy pingpongistët kosovarë e kanë nga një duel edhe të martën.
Pingpongistët kosovarë ka gati dy dekada që paraqiten në gara ndërkombëtare. Por ecja e madhe para, ka munguar.
© KOHA. Të gjitha të drejtat janë të rezervuara.
