1 perditesime
17:58

Xhaka realizon e asiston në fitoren e Arsenalit

Mesfushori shqiptar Granit Xhaka ka qenë ndër më meritorët që Arsenali ka shënuar fitoren e dytë në Premier League, në përballjen me Leicesterin.

Të shtunën “Topçinjtë” triumfuan 4:2 për të regjistruar fitoren e dytë në po aq ndeshje. Shkëlqeu sulmuesi i ri Gabriel Jesus me dy gola e dy asistime.

Xhaka fillimisht asistoi në golin e parë të Gabriel Jesusit që brenda pjesës së parë shënoi edhe golin e dytë. Me rezultat 2:0 u mbyll 45-minutëshi i parë.

Në pjesën e dytë, Jesus “ia ktheu borxhin” Xhakës duke asistuar për shqiptarin që qëlloi saktë nga afërsia.

Goli i Xhakës erdhi në minutën e 55-të, dy minuta pasi rezultati u ngushtua me autogolin e Wiliam Salibas.

Në minutën e 74-të, James Maddison ngushtoi rezultatin në 3 me 2, por menjëherë Gabriel Martinelli riktheu epërsinë prej dy golave. Ai shënoi nga distanca pas asistimit nga Jesusi.

Në xhiron e tretë, Arsenali i shkon Bournemouthit.

17:16

Xhaka gol e asist ndaj Leicesterit

Mesfushori shqiptar i Arsenalit, Granit Xhaka, ka realizuar golin e parë të sezonit në edicionin e ri të Premier Leagues.

Ai shënoi në minutën e 55-të në ndeshjen e xhiros së dytë, ndaj Leicesterit.

Arsenali po udhëheq 3:1.

Xhaka në këtë ndeshje është regjistruar edhe në listën e asistuesve. Asistoi në golin e parë të Gabriel Jesusit në pjesën e parë.

https://clip.dubz.co/v/g2yafr