Chelsea kishte bërë ofertë në momentet e fundit për t’ia ndërruar mendjen Gabriel Jesusit t’i bashkohet Arsenalit nga Manchester City, ka bërë të ditur menaxheri i sulmuesit.
“Chelsea ishte një prej skuadrave që kishte provuar në momentet e fundit t’ia prishte planet Arsenalit për transferimin e sulmuesit brazilian”, ka thënë menaxheri Marcelo Pettinati, shkruan “Skysport” të shtunën.
“Ata provuan shumë deri në ditët e fundit që ta transferonin. Por, në atë pikë, ne vetëm se kishim zgjedhur projektin e radhës”, ka thënë Pettinati.
