Skuadra e Barcelonës ka caktuar çmimin përfundimtar për mesfushorin Frenkie de Jong, përcjell “AS” të enjten.
Barça është e gatshme ta lërë të lirë holandezin, por vetëm nëse merr një ofertë prej 75 milionë eurosh.
Te Barcelona po e kërkojnë këtë shumë për kartonin e holandezit, i cili po kërkohet me ngulm nga Manchester Unitedi.
25-vjeçari ka kontratë me ekipin spanjoll deri në verën e vitit 2026.
Ai në “Camp Nou” u transferua para dy vjetësh nga Ajaxi për 85 milionë euro.
